Straeon CyDA

Rydym yn casglu straeon o’n cymuned rhyfeddol i ddysgu am y newid yr ydych chi oll yn ei wneud allan yn y byd, a sut y mae CyDA wedi eich helpu chi ar y daith hon.

Mae CyDA yn gymuned unigryw a grëwyd gan ac ar gyfer pobl fel chi.  Am dros 50 mlynedd, rydym wedi bod yn ysbrydoli, yn hysbysu ac yn galluogi ein gilydd i gymryd camau ystyrlon er mwyn sicrhau byd gwell.

O sgiliau ymarferol i ysbrydoliaeth bwerus, mae CyDA wedi cynorthwyo miloedd o bobl ar eu teithiau cynaliadwyedd.

Nawr, hoffem glywed gennych chi er mwyn deall sut y mae ein gwaith wedi galluogi newid gyda’ch bywyd, eich cymuned a thu hwnt.  Os ydych chi wedi dilyn cwrs, wedi gwirfoddoli, wedi mynychu cynhadledd neu wedi ymweld a chael eich ysbrydoli – mae eich stori yn bwysig.

A fyddech gystal â neilltuo amser i lenwi’r ffurflen isod i adrodd eich stori chi.

(Ar hyn o bryd, dim ond yn Saesneg y mae ein ffurflen straeon CyDA ar gael, ond rydym yn gweithio ar fersiwn yn y Gymraeg fydd ar gael yn fuan.)

Pam rhannu eich stori?

Mae eich profiadau chi yn ein helpu i:

• Ddeall yr heriau y mae pobl yn eu hwynebu a sut y gall CyDA eu cynorthwyo.
• Ysbrydoli eraill i weithredu yn eu bywydau a’u cymunedau eu hunain.
• Cryfhau ein hachos dros sicrhau cyllid, fel y gallwn gyrraedd mwy fyth o bobl.

Pa fath o straeon yr hoffem eu clywed?

• A wnaethoch chi ddilyn cwrs CyDA a oedd wedi rhoi’r hyder i chi gychwyn ar brosiect newydd?
• A wnaeth ymweliad yn ystod eich plentyndod danio angerdd gydol oes dros gynaliadwyedd?
• A oedd gwirfoddoli wedi esgor ar lwybr gyrfa newydd i chi?
• A wnaethoch chi astudio yn CyDA ac a ydych chi’n dilyn gyrfa werdd nawr?

Beth bynnag fo’ch stori, byddem wrth ein bodd i’w chlywed.  Gyda’n gilydd, gallwn arddangos grym cymuned CyDA a chreu dyfodol mwy cadarn a chynaliadwy.