Dysgwch sut i ofalu am adeiladau treftadaeth a meithrin sgiliau ymarferol yn ystod y cwrs byr hwn yn CyDA, dros dau ddiwrnod a hanner.

Mae’r cwrs ymarferol hwn yn ddelfrydol i unrhyw un sydd â diddordeb mewn neu sy’n ymwneud â gofalu am, trwsio, neu reoli adeiladau hanesyddol. Bydd yn eich helpu i sicrhau cydbwysedd rhwng effeithlonrwydd ynni, effaith amgylcheddol, esmwythdra ac iechyd deiliaid, wrth ddiogelu treftadaeth yr adeilad.

Ar y cwrs, byddwch yn datblygu sylfaen gadarn yn yr egwyddorion cadwraeth treftadaeth, gan sicrhau profiad gwerthfawr o weithio gyda deunyddiau traddodiadol a fframweithiau asesu ar yr un pryd.

Gwybodaeth Allweddol

• Hyd: 2.5 diwrnod
• Dyddiadau nesaf: Dydd Mawrth 21 Ebrill tan Dydd Iau 23 2026
• Amser: dechrau am 1.30yp a gorffen am 4yp ar y diwrnod olaf
• Amseroedd cychwyn a gorffen:

  • Cychwyn: Dydd Mawrth 21 am 13.30pm
  • Gorffen: Dydd Iau 23 am 4pm

• Ffi: £195
• Yn cynnwys: hyfforddiant a chinio.
• Bydd angen: Esgidiau cadarn a dillad sy’n dal dŵr.
• Telerau ac Amodau

  • Rhaid i chi fod yn 18 oed neu hŷn i fynychu ein cyrsiau.
  • Cliciwch yma am restr gyflawn o’r telerau ac amodau.

Yr hyn y byddwch yn ei ddysgu

Mae’r cwrs yn cynnwys dwy brif elfen sy’n gysylltiedig:

1. Calch: O ddeunydd crai i’w ddefnydd ymarferol.

Mae’r arddangosiad a’r gweithdy cyntaf yn gyfle i weld sut y caiff Calch ei gynhyrchu o’i ddeunydd crai, gan ddefnyddio ‘odyn faes’ fach ac odyn ficro i drawsnewid Calchfaen yn Galch.

Yna, byddwch yn cael profiad ymarferol o ddefnyddio’r Calch a gynhyrchwyd i wneud gwaith pwyntio a phlastro, dan arweiniad tiwtoriaid arbenigol.

2. Asesu arwyddocâd a chyflwr adeiladau hanesyddol

Gan weithio gyda rhai o fyfyrwyr gradd CyDA, byddwch yn cymryd rhan mewn asesiad strwythuredig o adeilad hanesyddol ar y safle. Bydd y sesiwn hon yn cynnig fframwaith ymarferol i chi er mwyn gwerthuso arwyddocâd treftadaeth a chyflwr – sgiliau y gallwch eu defnyddio yn eich prosiectau a’ch sefydliadau, neu mewn gwaith yn y dyfodol.

Bydd cyfres o deithiau, anerchiadau a chyfleoedd i drafod eich prosiectau chi gyda’n tiwtoriaid arbenigol yn gymysg â’r gweithgareddau Gweithdy hyn.

Cwrs ar gyfer pwy yw hwn:

Mae’r cwrs hwn ar gyfer unrhyw un a fyddai’n dymuno meithrin gwybodaeth a sgiliau ym maes rheoli adeiladau treftadaeth.

Nid oes gofyn cael unrhyw sgiliau adeiladu blaenorol ar gyfer y cwrs hwn.