Mae’r cyfle i archebu lle yng Nghynhadledd Aelodau y flwyddyn nesaf wedi agor.  Ymunwch â ni am benwythnos o deithiau, anerchiadau a gweithdai a fydd yn archwilio sut y gallwn helpu i fynd i’r afael â’r argyfwng hinsawdd a natur.

Bydd modd i chi archwilio a chyfnewid syniadau newydd a chreu cysylltiadau newydd gyda phobl gyffelyb.  Mwynhewch anerchiadau i brocio’r meddwl a’r cyfle i ddysgu sgiliau gwyrdd mewn gweithdai ymarferol.  Rhennir rhagor o fanylion am y rhaglen ar gyfer y gynhadledd pan fyddant ar gael. 

Cyhoeddi thema’r gynhadledd

Bydd Cynhadledd CyDA 2026 yn dod â’n rhwydwaith angerddol o aelodau ynghyd i archwilio beth mae’n wirioneddol olygu i adeiladu dyfodol ar y cyd. Bydd thema eleni “Cysylltiad, Dewrder a Gobaith Ymarferol” yn archwilio sut y gall gweithrediad ymarferol, deialog onest, a meddwl drwy systemau yn ddewr uno i lunio’r byd cynaliadwy yr ydym i gyd am ei weld. 

Yn y gynhadledd byddwn yn arddangos enghreifftiau ysbrydoledig o bob cwr o gymuned ehangach CyDA, gan ein hatgoffa bod ein mudiad wedi’i lunio o luoswerth o brosiectau angerddol. O fentrau cymunedol Prydain Di-garbon i brosiectau adeiladu neu ynni ymarferol unigol, byddwn yn dathlu sut rydym yn cyd-adeiladu dyfodol gyda’n gilydd. 

Disgwyliwch sesiynau ymarferol wedi’u cynllunio ar gyfer misoedd yr haf, ochr yn ochr â sgyrsiau adeiladol sy’n cysylltu cenedlaethau, disgyblaethau, a safbwyntiau. 

Felly, os oes gennych chi ddiddordeb mewn archwilio’r sgiliau a’r wybodaeth sy’n angenrheidiol er mwyn gweithredu i sicrhau dyfodol cynaliadwy, sicrhewch na fyddwch yn colli’r cyfle hwn!

Gwybodaeth Allweddol

• Pryd:  dydd Gwener 21 i ddydd Sul 23 Awst
• Amseroedd cychwyn a gorffen:  i’w cadarnhau
• Er mwyn mynychu, rhaid i chi fod yn aelod o CyDA.  Os nad ydych yn aelod ar hyn o bryd, gallwch ymuno pan fyddwch yn archebu eich tocyn am £30 ychwanegol.
• Cost tocyn i’r gynhadledd

  • £250 – Tocyn cefnogol
  • £150  -– Safonol
  • £100 – Gostyngiad neu unigolyn lleol (SY20/SY19) 

• Dewisiadau llety – cyrraedd ar y dydd Gwener a gadael ar y dydd Sul:  

  • Archebwch wely mewn ystafell gysgu 2-wely yn ein adeilad WISE – £100 (Mae ystafelloedd a rennir yn cynnwys dau wely ac mae dewisiadau un rhyw a chymysg ar gael)
  • Cysylltwch os bydd gofyn i chi gael ystafell hygyrch neu os hoffech holi am archebu ystafell gyfan.
  • Mae gwersyllfa ar gael gerllaw hefyd, ychydig gannoedd o fetrau o safle CyDA.

• Fe’ch cynghorir i ddod â’r canlynol gyda chi:  dillad sy’n dal dŵr, llyfr nodiadau ac esgidiau synhwyrol.

Dolig Eleni Gwnewch Rodd o Diced Gynhadledd  

Gyda thocyn CyDA, gallwch anrhegi’r rhodd o ddysgu ac ysbrydoliaeth. Gall ddefnyddio’r tocynnau hyn ar gyfer Ticedi Cynhadledd, Cyrsiau Byr, neu ar gyfer Llety Gwely a Brecwast yng Nghanolfan y Dechnoleg Amgen.  

Dysgu mwy

I archebu eich llety: 

Ychwanegwch eich tocyn i’r gynhadledd i’ch archeb, pwyswch ‘continue’ ac yna, dewiswch y llety yr hoffech ei archebu.