Ymunwch â myfyrwyr CyDA am ddarlith am ddim gan Dr Sophie Wynne-Jones ar rôl emosiynau mewn cadwraeth ac adferiad ecosystemau. Cynhelir Dydd Mercher 22 Ebrill am 7yp.

Rydym wrth ein bodd i groesawu’r darlithydd gwadd Dr Sophie Wynne-Jones i CyDA yn ystod ein hwythnos addysgu ôl-raddedig ar gyfer y modiwl ‘Adferiad Ecoleg.’

Yn y ddarlith a’r sesiwn holi ac ateb yma, bydd Sophie yn ystyried rôl emosiynau wrth ysbrydoli dulliau cadwraeth fel ail-wylltio ac yn y gwrthdaro sy’n dilyn. Bydd y sgwrs yn archwilio’r posibiliadau cyffrous mae ail-wylltio yn eu cynnig i fynd i’r afael ag argyfyngau ecolegol yn ogystal â’r bygythiad y mae’n ei achosi i lawer o bobl – gan drafod y dadleuon a chyfyngderau all godi o hyn. Bydd y drafodaeth hefyd yn myfyrio ar rôl emosiynau mewn diwygio polisïau defnydd tir yn ehangach, gan fyfyrio ar y Cynllun Ffermio Cynaliadwy. Yn gyffredinol, bydd y sgwrs yn ystyried sut i symud tuag at fwy o empathi a lleihau’r profiadau negyddol i bob rhanddeiliad sydd dan sylw.

Gwybodaeth Allweddol

• Hyd: 1 awr 30 munud 
• Dyddiad: Dydd Mercher 22 Ebrill 
• Amseroedd cychwyn a gorffen: 7yp-8:30yp
• Lleoliad: Theatr Sheppard, adeilad WISE 
• Mynediad am ddim ond lleoedd cyfyngedig felly cofrestrwch ymlaen llaw 
• Archebwch bryd o fwyd gyda’r nos yng nghaffi CyDA ac ymunwch â’n myfyrwyr i drafod a sgwrsio cyn i’r ddarlith ddechrau. 

  • Gellir archebu hwn ymlaen llaw am £10 ochr yn ochr â’ch archeb darlith gyhoeddus isod. 
  • Bydd cinio yn cael ei weini am 6:00yp cyn i’r ddarlith ddechrau. 
  • Dim ond cyn y digwyddiad y gellir archebu hwn ymlaen llaw ac ni ellir ei brynu ar y safle. 
  • Mae bar Donnelly ar agor o 8.30yp. 

• At ddibenion dysgu myfyrwyr yn unig y caiff y ddarlith ei recordio ac ni fydd ar gael yn gyhoeddus ar-lein. Archebwch i ymuno â ni mewn person.

Os oes gennych unrhyw gwestiynau am y digwyddiad hwn, anfonwch e-bost i gsmo@cat.org.uk. 

Yng nghylch y siaradwr

Mae Sophie Wynne-Jones yn uwch ddarlithydd mewn Daearyddiaeth Ddynol ym Mhrifysgol Bangor, yn gweithio ar Amaethyddiaeth Gynaliadwy a Llywodraethu Amgylcheddol Gwledig. Roedd hi’n Gymrawd UKRI gyda Llywodraeth Cymru yn darparu mewnwelediad ymddygiadol ar amaethyddiaeth Net Sero o 2021-2023. Darllenwch fwy gan Sophie yma.