Archwiliwch ddatrysiadau hinsawdd, lluniwch gynllun gweithredu ar eich cyfer chi a’ch gwaith, a sicrhewch ardystiad Llythrennedd Carbon ar ein cwrs ar-lein.

Mae’r cwrs hwn wedi’i gynllunio ar gyfer tîmau ac unigolion sy’n gweithio o fewn Awdurdodau Lleol. Bydd y cwrs ar-lein hwn yn ystyried gwyddor diweddaraf newid hinsawdd, effeithiau lleol a byd-eang a sut y bydd y rhain yn effeithio ar ein sefydliadau. Gan fanteisio ar ein hymchwil Prydain Ddi-Garbon, byddwn yn ystyried y ffordd orau i ni gyflawni’r targedau sero net hyn, y ffordd orau y gallwn ymgysylltu â’r sefydliadau hynny o’n cwmpas, a sut i fynd ati i wneud gwaith cynllunio gweithredu effeithiol. Caiff eich allbwn o’r cwrs hwn ei werthuso gan y Prosiect Llythrennedd Carbon er mwyn i chi sicrhau ardystiad Llythrennedd Carbon.

Beth yw Llythrennedd Carbon?

Mae’r Prosiect Llythrennedd Carbon yn ei ddisgrifio fel ‘Ymwybyddiaeth o effeithiau a chostau carbon gweithgareddau bob dydd a’r gallu a’r cymhelliant i leihau allyriadau, ar sail unigol, cymunedol a sefydliadol.’

Gwybodaeth allweddol

• Hyd:  09.30 – 13.00 bob dydd
• Dyddiadau nesaf:

  • Hanner cyntaf:  3 Tachwedd 2026
  • Ail hanner:  10 Tachwedd 2026

• Bydd gofyn gwneud hyd at ddwy awr ychwanegol o waith annibynnol er mwyn sicrhau achrediad
• Ffioedd:  £140

  • Cysylltwch os hoffech dalu trwy anfoneb

• Bydd yn cynnwys:  hyfforddiant, sesiynau holi ac ateb, deunyddiau cwrs ar-lein, achrediad gan y Prosiect Llythrennedd Carbon
• Amodau a thelerau

  • Rhaid eich bod yn 16 oed neu’n hŷn i fynychu’r cwrs hwn
  • Cliciwch yma am restr lawn o’r amodau a thelerau

Cynigir yr hyfforddiant hwn fel cwrs pwrpasol hefyd ar ddyddiad sy’n gyfleus i chi.  Cysylltwch i drefnu.

Yr hyn y byddwch yn ei ddysgu

Mae prosiect Prydain Di-garbon CCyDA yn cynnig y data caled a’r hyder sy’n ofynnol er mwyn dychmygu dyfodol lle’r ydym wedi ymateb i alwadau gwyddor hinsawdd.  Mae’n helpu i leihau ofn a chamddealltwriaeth, gan esgor ar sgyrsiau newydd a chadarnhaol sy’n canolbwyntio ar ddatrysiadau. 

Bydd y cwrs ar-lein hwn sydd wedi cael ei achredu gan y Prosiect Llythrennedd Carbon, yn archwilio’r datrysiadau a gynigir gan weledigaeth diweddbwynt Prydain Di-garbon.

Gan fanteisio ar astudiaethau achos ac esiamplau go iawn, byddwn yn ystyried camau ymarferol i gyrraedd sero net o bersbectif Awdurdod Lleol.

Yn ystod y cwrs, byddwch yn ymrwymo i ddau gam lleihau carbon – caiff y rhain eu gwerthuso gan y Prosiect Llythrennedd Carbon er mwyn i chi sicrhau ardystiad Llythrennedd Carbon, gan eich galluogi i fynd ymlaen i hyfforddi eraill yn eich sector neu ardal waith.

Mae’r hyfforddiant ar-lein hwn yn addas i bawb sy’n gweithio mewn Awdurdodau Lleol, gan gynnwys rheolwyr ac Aelodau Etholedig.  Yn ystod y diwrnod, bydd sesiynau trafod a myfyrio yn rhan o’r amserlen, sesiynau holi ac ateb, cyfleoedd rhwydweithio a chyfnodau lle y byddwch yn treulio amser all-lein er mwyn cadw’r ffurf yn braf ac yn ddiddorol.