Archwiliwch dechnolegau ynni adnewyddadwy, fel gwynt, solar, a pico-hydro, a darganfyddwch pa system sydd orau i chi ar y cwrs byr deuddydd hwn.

Archwiliwch:

• Ble ddylech chi roi’r system? 
• Faint o ynni fyddwch chi’n ei gael? 
• Faint o arian fyddwch chi’n ei arbed? 
• Sut olwg fydd ar eich gostyngiad allyriadau? 
• Pa storfa ynni allwch chi ei defnyddio? 
• Faint o ynni sydd ei angen arnoch chi? 
• Sut i fesur system ddibynadwy? 

Nod y cwrs byr hwn yw ateb y cwestiynau hyn a mwy trwy gyfres o ddarlithoedd a sesiynau ymarferol.

Gwybodaeth allweddol

• Hyd: dau ddiwrnod 
• Dyddiad nesaf: Dydd Sadwrn 20 i Ddydd Sul 21 Mehefin 2026 
• Ffi: £250 
• Amserau cychwyn a gorffen: cychwyn am 9.30yb a gorffen am 3.30yp ar y diwrnod olaf 
• Yn cynnwys: hyfforddiant a chinio 
• Beth sydd ei angen arnoch: argymhellir dillad gwrth-ddŵr 
• Telerau ac Amodau: 

  • Rhaid bod yn 18 oed neu’n hŷn i fynychu ein cyrsiau. 
  • Am restr lawn o’r telerau ac amodau cliciwch yma 

Beth fyddwch yn ei ddysgu

Bydd y cwrs hwn yn rhoi’r gallu i chi benderfynu a yw ynni oddi ar y grid yn ymarferol ar gyfer eich lleoliad, sut y dylid gyflunio system hybrid, datblygu dadansoddiad cost a budd a meintioli’r gostyngiadau mewn allyriadau.

Bydd yn rhoi trosolwg o’r gwahanol systemau ynni sydd ar gael yn fasnachol, a sut i asesu eu haddasrwydd a’u heffeithlonrwydd ar gyfer eich lleoliad. Byddwch yn dysgu sut i gynnal dadansoddiad adnoddau gwynt/solar/hydro, cyfrifo’r allbwn blynyddol tebygol ar gyfer safle penodol, sut i gyfrifo eich anghenion ynni, a sut i ddewis system storio ynni briodol.

Bydd eich tiwtor arbenigol, Alan, yn eich tywys drwy sut i ddewis y lleoliad a’r cyfeiriadedd gorau, maint y system y bydd ei hangen arnoch, ac yn edrych ar y dulliau o gysylltu gwahanol dechnolegau.

Byddwch hefyd yn cael cyfle i weld a thrafod technolegau raddfa fach safle CyDA.

Mae gwybodaeth sylfaenol am MS Excel (neu raglen gyfwerth) yn ddymunol ar gyfer y cwrs hwn.

Cyrsiau Ynni Adnewyddadwy ar gyfer Cartrefi

Mae’r cwrs hwn yn rhan o gyfres sy’n archwilio technolegau ynni adnewyddadwy ar gyfer cartrefi. Gellir cymryd pob cwrs yn unigol neu fel cyfres, a byddant yn darparu’r sgiliau a’r wybodaeth sydd eu hangen arnoch i roi gwahanol dechnolegau adnewyddadwy ar waith yn eich cartref.

• Ynni Adnewyddadwy i Aelwydydd: PV Solar -18 Ebrill 2026 
• Ynni Adnewyddadwy i Aelwydydd: Micro Hydro – 16 Mai 2026 

Ychwanegu llety i’ch archeb

A hoffech chi aros yn CyDA dros gyfnod eich cwrs byr? Ychwanegwch y cwrs byr i’ch cart, yna dewiswch o blith y dewisiadau a nodir.

Mae’r dewisiadau llety yn cynnwys:

• Llety a phob pryd bwyd dros gyfnod eich cwrs – £96 sengl

Llety a phob pryd bwyd dros gyfnod eich cwrs

Os bydd gennych chi unrhyw gwestiynau, anfonwch e-bost at courses@cat.org.uk

Cyfarfod â’ch tiwtor

Mae Alan yn Beiriannydd Ynni Siartredig ac yn ddarlithydd ar ein cyrsiau ôl-raddedig yma yn CyDA. Mae ei ymchwil yn amrywio o fodelu rhifiadol systemau ac adnoddau ynni adnewyddadwy yn Ewrop, i ddatblygu polisi a strategaeth ynni cynaliadwy rhyngwladol yn ardaloedd ôl-wrthdaro/ôl-drychineb yn Ne Ddwyrain Asia.