Mae Andy Baylis yn raddedig o gwrs Feistr Adeiladu Gwyrdd CyDA, yn gyfarwyddwr sefydlol Jengo Sustainable Design ac fe benodwyd yn ddiweddar fel ymddiriedolwr CyDA.

Rydym wrth ein bodd i fod yn sgwrsio ag ef am arferion adeiladu cynaliadwy arloesol ei gwmni a pha ddylanwad gafodd ei astudiaethau ôl-raddedig yn CyDA ar ei ymagwedd at ddylunio cynaliadwy.

C: Hyfryd cael sgwrsio gyda chi Andy. Allwch chi ddweud ychydig wrthym am eich cefndir a’r hyn a arweiniodd at eich gyrfa mewn dylunio a pheirianneg gynaliadwy? 

Rwy’n beiriannydd adeiladu sifil siartredig ac rwyf wedi gweithio ym maes adeiladu ers bron i 30 mlynedd, yn bennaf i gwmnïau ymgynghori peirianneg prif ffrwd mewn uwch-rolau cyflawni prosiectau, rheoli pobl a datblygu busnesau. Rwyf wedi bod yn angerddol am gynaliadwyedd ers degawdau ond, ar wahân i’m prosiect hunan-adeiladu gwellt, nid oeddwn wedi llwyddo i berswadio fy nghyflogwyr i weithio mewn modd cynaliadwy, felly penderfynais wneud y radd Feistr mewn Adeiladu Gwyrdd i archwilio gyrfa newydd mewn dylunio a pheirianneg gynaliadwy. 

C: Sut mae eich Gradd Feistr mewn Adeiladu Gwyrdd o CyDA wedi dylanwadu ar y ffordd yr ydych chi’n mynd i’r afael a dylunio cynaliadwy? 

Er fy mod yn Beiriannydd Adeiladu profiadol, dyma’r hyn a ddysgais yn CyDA yn trawsnewid fy hyder wrth gyflawni prosiectau dylunio isel eu heffaith. Caniataodd astudiaeth ôl-raddedig i mi gymhwyso fy ngwybodaeth am effeithiau hinsawdd ac amgylcheddol ar yr amgylchedd adeiledig i’m hymgynghoriaeth newydd. 

Roedd yn brofiad anhygoel astudio ar safle CyDA yn ystod yr wythnosau addysgu, cwrdd â chyd-fyfyrwyr gwych a dysgu gan staff ysbrydoledig a gwybodus. Roedd yn newid rhyddhaol ar ôl gweithio mewn proffesiwn adeiladu prif ffrwd hynod straenus. 

C: A allwch chi ddisgrifio rhai o’r prosiectau allweddol y mae Jengo wedi’u gwneud, a’r deunyddiau a’r dulliau cynaliadwy a ddefnyddiwyd? 

Dros y pedair blynedd diwethaf, rwyf wedi symud ymlaen o adeiladu preswyl safonol i ddylunio prosiectau ffrâm bren ac ôl-osod ar y mwyafrif. Mae prosiectau allweddol yn cynnwys cartref Passivhaus ar gyfer Janna Lann Lomas a bu raddio o CyDA hefyd, ochr yn ochr â sawl adeilad ffrâm bren Passivhaus arall. Rwyf hefyd yn ymgymryd â’r rhan fwyaf o waith dylunio ffrâmiau pren ar gyfer Broadaxe Timber Frames. Rhan gynyddol arall o fy ngwaith yw prosiectau ôl-osod ac addasu mewn adeiladau hanesyddol cerrig. 

C: Beth yw rhai o’r heriau mwyaf rydych chi wedi’u hwynebu wrth hyrwyddo arferion adeiladu cynaliadwy? 

Nid oes gan rai penseiri, cleientiaid a chontractwyr ddiddordeb mewn deunyddiau anghonfensiynol ac maent yn anwybyddu neu’n gwrthsefyll atebion amgen is-garbon. Yn gynyddol, rwyf bellach yn gwrthod ymgymryd â phrosiectau yr wyf yn eu hystyried yn wastraffus neu sydd uchel eu heffaith. Fodd bynnag, mae gwelliant graddol i’w gael mewn gwybodaeth trwy waith sefydliadau fel IStructE ac ACAN ac rwy’n credu fod gan  gyrsiau Meistr CyDA y gallu i drawsnewid dulliau llawer o ddylunwyr ac ymgynghorwyr. 

C: Sut ydych chi’n gweld y diwydiant adeiladu yn esblygu i ymdopi â heriau newid hinsawdd, bioamrywiaeth a llygredd? 

Er bod yr atebion yn bodoli, mae rhwystrau enfawr i newid fel y disgrifir yn fy nhraethawd hir ar Ddylunio Sylfeini a Lloriau Gwaelod Cynaliadwy. Mae’r rhain yn amrywio o sgiliau, cadwyni cyflenwi, materion caffael, cydymffurfio â deddfwriaethau a rheoliadau, yswiriant, diffyg dulliau cylchol a diffyg cymhelliant ac amharodrwydd cyffredinol i newid neu reoli risgiau’n wahanol. Er mwyn ymateb i’r heriau hyn, rwy’n gobeithio parhau i ddarparu atebion adeiladu is eu heffaith, addysgu mwy o fewn y diwydiant a gwneud gwahaniaeth fel ymddiriedolwr CyDA. 

C: Fe wnaethoch chi ailymuno â ni’n ddiweddar fel ymddiriedolwr CyDA; sut ydych chi’n rhagweld eich rôl yn CyDA yn cyfrannu at ddyfodol mwy cynaliadwy? 

Rwyf bellach yn cael gweithio gyda dylunwyr a chleientiaid o’r un anian ar brosiectau carbon isel blaengar, a gobeithio y gall fy ngwybodaeth am ddylunio a datblygu cynorthwyo’r datblygiad sydd ar ddod yn CyDA, cynlluniau ôl-osod a’r Ysgol Raddedig ar lefel strategol. 

C: Ac yn olaf, pa gyngor fyddech chi’n ei roi i beirianwyr a dylunwyr uchelgeisiol sydd eisiau canolbwyntio ar gynaliadwyedd? 

Roedd astudio yn CyDA yn brofiad rhyddhaol ac ysbrydoledig sydd wedi arwain at drawsnewidiad yn fy ngyrfa a’m ffordd o fyw. Gwnewch Radd Feistr mewn Adeiladu Gwyrdd yn CyDA! 

Wedi’ch ysbrydoli gan stori Andy? 

Mae amser o hyd i wneud cais i astudio yn CyDA ym mis Medi. Dysgwch fwy am ein Gradd Feistr mewn Adeiladu Gwyrdd ac astudio yn CyDA drwy gysylltu â’n Tîm Derbyniadau: study@cat.org.uk 01654 705974.