Gweinyddwr Prosiect

June 23, 2026

Mae CyDA yn chwilio am Gweinyddwr Prosiect ar gyfer prosiect Troi’r Llanw / Turning The Tide, i gynorthwyo wrth sicrhau bod y prosiect yn rhedeg yn esmwyth, gan ymgymryd â’r cyfrifoldeb dros yr holl ddyletswyddau gweinyddol, a gweithio fel aelod o dîm o chwech.

Ynghylch CyDA

Mae Canolfan y Dechnoleg Amgen (CyDA) yn elusen amgylcheddol sy’n adnabyddus yn rhyngwladol, mae’n ganolfan eco flaenllaw ar lefel fyd-eang, ac yn un o ddarparwyr pennaf addysg amgylcheddol ôl-raddedig yn y DU, wedi’i lleoli ger Machynlleth yng Nghanolbarth Cymru.

Mae CyDA yn cynnig ysbrydoliaeth, addysg a hyfforddiant ynghylch datrysiadau i’r argyfwng hinsawdd a bioamrywiaeth.

Mae’r prif weithgareddau yn cynnwys canolfan ymwelwyr lle y gall grwpiau weld datrysiadau ar waith, cyrsiau preswyl byr, hyfforddiant galwedigaethol a graddau ôl-raddedig mewn ystod eang o bynciau sy’n ymwneud â chynaliadwyedd, a chynigir cyrsiau a digwyddiadau ar-lein law yn llaw â chyfleoedd dysgu wyneb yn wyneb.

Ariannir y rôl hon fel rhan o brosiect Troi’r Llanw / Turning the Tide, a ariannir diolch i Gronfa Weithredu yr Hinsawdd, sef ymrwymiad hirdymor gan Gronfa Gymunedol y Loteri Genedlaethol i gynorthwyo cymunedau ar draws y DU i weithredu ynghylch newid hinsawdd a chynnwys mwy o bobl mewn gweithredu amgylcheddol cadarnhaol.

Manylion Swydd:

Cyfeirnod: PA260623
Maes Cyfrifoldeb: Cymorth gweinyddol ar gyfer prosiect tair blynedd Troi’r Llanw /Turning The Tide
Yn gyfrifol i: Cydlynydd Prosiect
Yn gyfrifol am: Dim cyfrifoldebau fel rheolwr llinell
Math o gontract: Tymor Penodol – 3 blynedd
Lleoliad: Fel arfer, ar safle yr Elusen ger Machynlleth, Canolbarth Cymru
Ystyrir trefniant gweithio o bell
Oriau: 0.6 FTE 22.5 awr yr wythnos
Diwrnodau gweithio: Dydd Llun i ddydd Gwener fel arfer, gwaith ar benwythnosau o bryd i’w gilydd, ystyrir trefniadau gweithio hyblyg.

Cyflog a buddion gweithiwr:

£24,960 y flwyddyn, pro rata (£14,976)

Mae Canolfan y Dechnoleg Amgen (CyDA) yn cynnig lwfans gwyliau blynyddol hael o 25 diwrnod y flwyddyn, yn ogystal â gwyliau banc (7-10 diwrnod fel arfer), a lwfans ychwanegol adeg y Nadolig (3 diwrnod fel arfer), yn ogystal ag 1 diwrnod ychwanegol am bob blwyddyn a weithir (hyd at 5 diwrnod).

Mae CyDA hefyd yn cynnig pecyn deniadol o fuddion i weithwyr, gan gynnwys:

Cinio poeth am ddim a diodydd poeth am ddim o’r caffi pryd bynnag y byddwch yn gweithio o ganolfan eco CyDA;
Gostyngiad o 20% ar nwyddau manwerthu a brynir oddi wrth CyDA;
Cyfleoedd ar gyfer hyfforddiant DPP, cymwysterau ac aelodaeth broffesiynol i’w hariannu gan CyDA;
Y cyfle i brynu diwrnodau gwyliau ychwanegol;
Cyfraniad pensiwn o 5%;
Hawliad mamolaeth a thadolaeth hael a budd-dal marw yn y swydd;
2 awr y mis ar gyfer iechyd a lles cyffredinol a 2 awr y mis ar gyfer hyfforddiant yn y Gymraeg.

Dyddiad cau ar gyfer ceisiadau: 9yb 17 Gorffennaf 2026

Cyfweliadau i’w cynnal: yr wythnos yn dechrau 27 Gorffennaf 2026 (ar safle)

Dyddiad cychwyn disgwyliedig: cyn gynted ag sy’n bosib

Trosolwg o’r Rôl

Mae Troi’r Llanw / Turning The Tide yn fenter tair blynedd ar draws Cymru gyfan, sy’n ceisio ysbrydoli, hysbysu a galluogi ymatebion cymunedol ymarferol i newid hinsawdd a chynaliadwyedd amgylcheddol. Rydym yn rhagweld dyfodol lle y bydd gweithredu cymunedol am yr hinsawdd yn rhan o’r brif ffrwd, lle y mae lleisiau ar y cyrion yn cael budd o ac yn siapio penderfyniadau amgylcheddol, a lle y mae pobl yn teimlo’n obeithiol ac yn cael eu grymuso yn wyneb yr argyfwng hinsawdd.

Mae hwn yn brosiect Partneriaeth, a’r Partner Arweiniol yw CyDA.

Prif Ddiben a Chyfrifoldebau’r swydd

Gwneud gwaith manwl i gofnodi gwybodaeth ynghylch ymholiadau, archebu a chyfathrebu a chynnal systemau cofnodi hanfodol a datganiadau data.
Delio ag ymholiadau i’r prosiect ar-lein, dros y ffôn a wyneb yn wyneb.
Gwneud gwaith manwl i gofnodi gwybodaeth ynghylch ymholiadau, archebu a chyfathrebu a chynnal systemau cofnodi hanfodol a datganiadau data.
Cael cyswllt gyda hyfforddwyr/hwyluswyr yn ôl y gofyn ynghylch adnoddau addysgu a hyfforddi.
Cael cyswllt gyda phartneriaid y prosiect yn ôl y gofyn
Gweithio gyda chydlynydd y prosiect er mwyn sicrhau bod dogfennaeth iechyd a diogelwch yn ei lle cyn cynnal cyrsiau, gweithdai a digwyddiadau, trwy gael cyswllt gyda thîm y prosiect a gyda Swyddog Iechyd a Diogelwch CyDA.
Cael cyswllt gyda thîm lletygarwch CyDA ynghylch archebu cyfarfodydd, addysgu, lleoliadau gweithdai a digwyddiadau, llety a gofynion arlwyo.
Cyfrifoldeb dros bob agwedd ar archebu hyfforddiant, gweithdai a digwyddiadau eraill.
Cyfrifoldeb dros ddosbarthu ar ôl digwyddiadau (hyfforddiant, gweithdy, gweminar ac ati) ac ymateb i arolygon, gan drefnu cyfweliadau gwerthuso prosiect, dosbarthu sleidiau a ddefnyddiwyd ac ati.
Cymryd cofnodion manwl mewn cyfarfodydd a’u dosbarthu i gyfranogwyr.
Cynnal cofnodion cyfarfodydd a chysylltiadau.
Gweithio gyda Chydlynydd y Prosiect i drefnu ymweliadau gan lunwyr polisi, dylanwadwyr ac eraill i safle CyDA a lleoliadau eraill
Gyda chyfarwyddyd Cydlynydd y Prosiect, trefnu digwyddiadau hyfforddi a phrofiadau dysgu ymdrochol i ymwelwyr dydd â CyDA
Pan fo hynny’n briodol, defnyddio neu weithio tuag at ddefnyddio Cymraeg ysgrifenedig ac ar lafar wrth gysylltu gyda grwpiau
Unrhyw ddyletswyddau priodol eraill a ddiffinnir gan Reolwr y Prosiect a Chydlynydd y Prosiect.
Sicrhau cydymffurfiaeth gyda pholisïau a gweithdrefnau CyDA gan gynnwys Iechyd a Diogelwch