Rheolwr Ymchwil, Adnoddau a Pholisi Prosiect

June 23, 2026

Mae CyDA yn chwilio am Reolwr Ymchwil, Adnoddau a Pholisi Prosiect ar gyfer prosiect Troi’r Llanw / Turning The Tide, i gyflawni rôl allweddol wrth sicrhau adnoddau ar gyfer y prosiect, gan gynnwys cyfrannu at waith ymchwil, gwybodaeth a pholisi, a darparu arbenigedd ar draws amrediad o faterion yn ymwneud â chynaliadwyedd.

Ynghylch CyDA

Mae Canolfan y Dechnoleg Amgen (CyDA) yn elusen amgylcheddol sy’n adnabyddus yn rhyngwladol, mae’n ganolfan eco flaenllaw ar lefel fyd-eang, ac yn un o ddarparwyr pennaf addysg amgylcheddol ôl-raddedig yn y DU, wedi’i lleoli ger Machynlleth yng Nghanolbarth Cymru.

Mae CyDA yn cynnig ysbrydoliaeth, addysg a hyfforddiant ynghylch datrysiadau i’r argyfwng hinsawdd a bioamrywiaeth.

Mae’r prif weithgareddau yn cynnwys canolfan ymwelwyr lle y gall grwpiau weld datrysiadau ar waith, cyrsiau preswyl byr, hyfforddiant galwedigaethol a graddau ôl-raddedig mewn ystod eang o bynciau sy’n ymwneud â chynaliadwyedd, a chynigir cyrsiau a digwyddiadau ar-lein law yn llaw â chyfleoedd dysgu wyneb yn wyneb.

Ariannir y rôl hon fel rhan o brosiect Troi’r Llanw / Turning the Tide, a ariannir diolch i Gronfa Weithredu yr Hinsawdd, sef ymrwymiad hirdymor gan Gronfa Gymunedol y Loteri Genedlaethol i gynorthwyo cymunedau ar draws y DU i weithredu ynghylch newid hinsawdd a chynnwys mwy o bobl mewn gweithredu amgylcheddol cadarnhaol.

Manylion Swydd:

Cyfeirnod: PRRPM260623
Maes Cyfrifoldeb: Prosiect Troi’r Llanw / Turning The Tide
Yn gyfrifol i: Rheolwr Prosiect
Yn gyfrifol am: Dim cyfrifoldebau fel rheolwr llinell
Math o gontract: Tymor Penodol – 3 blynedd
Lleoliad: Gweithio yng nghanolfan eco CyDA ym Machynlleth, Canolbarth Cymru yn rheolaidd, gyda chyfle i wneud rhywfaint o waith hyblyg yn y cartref.
Oriau: Rhan-amser: 30 awr yr wythnos (0.8 FTE)
Diwrnodau gweithio: Dydd Llun i ddydd Gwener, gan weithio gyda’r hwyr ac ar benwythnosau o bryd i’w gilydd

Cyflog a buddion gweithiwr:

£28,760 y flwyddyn, pro rata (£23,008)

Mae Canolfan y Dechnoleg Amgen (CyDA) yn cynnig lwfans gwyliau blynyddol hael o 25 diwrnod y flwyddyn, yn ogystal â gwyliau banc (7-10 diwrnod fel arfer), a lwfans ychwanegol adeg y Nadolig (3 diwrnod fel arfer), yn ogystal ag 1 diwrnod ychwanegol am bob blwyddyn a weithir (hyd at 5 diwrnod).

Mae CyDA hefyd yn cynnig pecyn deniadol o fuddion i weithwyr, gan gynnwys:

Cinio poeth am ddim a diodydd poeth am ddim o’r caffi pryd bynnag y byddwch yn gweithio o ganolfan eco CyDA;
Gostyngiad o 20% ar nwyddau manwerthu a brynir oddi wrth CyDA;
Cyfleoedd ar gyfer hyfforddiant DPP, cymwysterau ac aelodaeth broffesiynol i’w hariannu gan CyDA;
Y cyfle i brynu diwrnodau gwyliau ychwanegol;
Cyfraniad pensiwn o 5%;
Hawliad mamolaeth a thadolaeth hael a budd-dal marw yn y swydd;
2 awr y mis ar gyfer iechyd a lles cyffredinol a 2 awr y mis ar gyfer hyfforddiant yn y Gymraeg.

Dyddiad cau ar gyfer ceisiadau: 9yb 17 Gorffennaf 2026

Cyfweliadau i’w cynnal: yr wythnos yn dechrau 27 Gorffennaf 2026 (ar safle)

Dyddiad cychwyn disgwyliedig: cyn gynted ag sy’n bosib

Trosolwg o’r Rôl

Mae Troi’r Llanw / Turning The Tide yn fenter tair blynedd ar draws Cymru gyfan, sy’n ceisio ysbrydoli, hysbysu a galluogi ymatebion cymunedol ymarferol i newid hinsawdd a chynaliadwyedd amgylcheddol. Rydym yn rhagweld dyfodol lle y bydd gweithredu cymunedol am yr hinsawdd yn rhan o’r brif ffrwd, lle y mae lleisiau ar y cyrion yn cael budd o ac yn siapio penderfyniadau amgylcheddol, a lle y mae pobl yn teimlo’n obeithiol ac yn cael eu grymuso yn wyneb yr argyfwng hinsawdd.

Bydd y Rheolwr Ymchwil, Adnoddau a Pholisi yn cyflawni rôl allweddol ym mhrosiect Troi’r Llanw /Turning the Tide, gan gynnwys cyfrannu at waith ymchwil, gwybodaeth a pholisi.

Bydd deiliad y swydd yn darparu arbenigedd ar draws ystod eang o faterion sy’n ymwnaed â ffyrdd o fynd i’r afael â’r argyfwng hinsawdd a bioamrywiaeth, gan gyfrannu at ddatblygiad gweithdai, taflenni ffeithiau, adnoddau, yn ogystal ag ymateb i ymholiadau.

Mae’r rôl yn cynnwys cyfrannu at ddatblygiad a chynllun hyb gwybodaeth ddigidol hefyd, yn ogystal â sicrhau a datblygu cynnwys a pharhau i ddiweddaru tudalennau hyb gwybodaeth ddigidol y prosiect. Bydd deiliad y swydd yn datblygu cynnwys hefyd er mwyn cyfrannu at ddeunydd briffio polisi.

Prif Ddiben a Chyfrifoldebau’r swydd

Bydd deiliad y swydd yn cydweithio’n agos gyda thîm prosiect CyDA a phartneriaid ar draws prosiect tair blynedd Troi’r Llanw / Turning The Tide.

Prif gyfrifoldebau:

Ymchwilio i faterion allweddol y bydd y Prosiect yn rhoi sylw iddynt
Cyfrannu at gynllunio a darparu’r hyb gwybodaeth ddigidol
Sicrhau delweddau ac ychwanegu at, diweddaru a chreu cynnwys ar gyfer hyb gwybodaeth ddigidol
Darparu cyngor technegol ac arbenigol er mwyn galluogi cymunedau i weithredu prosiectau gweithredu hinsawdd effeithiol – gallai hyn fod ar ffurf tudalennau ar y we, adroddiadau ysgrifenedig, Taflenni gwybodaeth, pecynnau cymorth, cyflwyniadau, ac ati.
Dadansoddi ac ysgrifennu am allbynnau gweithgarwch y prosiect – gallai hyn fod ar ffurf adroddiadau, tudalennau ar y we, erthyglau, ac ati.
Rhoi cyhoeddusrwydd i’r prosiect a gweithgareddau, trwy gysylltu â Swyddog Cyfathrebu y Prosiect a thîm marchnata a chyfathrebu CyDA.
Parhau i ddiweddaru a datblygu tudalennau’r Prosiect ar y we, a datblygu’r rhain yn ôl y gofyn.
Cynorthwyo datblygiad mentrau’r prosiect
Rheoli’r holl ymholiadau sy’n ymwneud â’r Prosiect (yn hytrach na cheisiadau hyfforddiant).
Darparu ymchwil ac arbenigedd ynghylch materion sy’n ymwneud â chynaliadwyedd er mwyn cynorthwyo’r Prosiect a gwaith ehangach CyDA – gallai hyn gynnwys, er enghraifft, drafftio erthyglau, cynghori am ymatebion i’r cyfryngau, cynghori am ymatebion i ymholiadau, neu gyfrannu at waith polisi.
Cyfrannu at ysgrifennu cynigion ymgynghori/cyllid ar ffurf grant.
Gweithio gyda Chydlynydd y Prosiect a’r Swyddog Cyfathrebu i gasglu a dehongli data gwerthuso
Llunio adroddiadau a chyhoeddiadau, gan rannu canlyniadau mentrau cymunedol
Gweithio gyda’r swyddog Cyfathrebu i rannu straeon, canlyniadau prosiect ac ati ar yr hyb gwybodaeth ddigidol
Nodi meysydd lle y gall y prosiect ddylanwadu ar bolisi a llunio briffiau i’w rhannu gyda llunwyr polisi a dylanwadwyr
Creu cyhoeddiadau er mwyn dylanwadu ar bolisi, darparu gwybodaeth ar gyfer briffiau polisi
Cyfrannu at gynnal ymweliadau a chyfarfodydd gyda llunwyr polisi a dylanwadwyr
Sicrhau aliniad gyda blaenoriaethu’r Gronfa Gweithredu Hinsawdd a strategaeth CyDA
Unrhyw ddyletswyddau priodol eraill, fel sy’n cael eu diffinio gan Reolwr y Prosiect