Aerial Footage of the CAT site in winter

Strategaeth a Rheolaeth

Arloesi amgylcheddol ac addysg ar gyfer byd mwy diogel, iachach a thecach.

Cofrestru ar e-bost→

Cefnogwch ni →

Home » Strategaeth a Rheolaeth

Gweledigaeth a Chenhadaeth CyDA

Gweledigaeth CyDA yw dyfodol cynaliadwy i’r ddynoliaeth gyfan fel rhan o fyd naturiol ffyniannus.

Cenhadaeth CyDA yw ysbrydoli, hysbysu a galluogi’r ddynoliaeth i ymateb i’r argyfwng hinsawdd a bioamrywiaeth.

Cynllun Strategol

Mae ein Cynllun Strategol 2020-2025 yn amlinellu rôl unigryw CyDA, ein ffyrdd o weithio a’n blaenoriaethau allweddol wrth i ni weithio gyda’n gilydd i wireddu’r weledigaeth a’r genhadaeth hon.

Aerial view across the CAT site towards hills

Sut rydym yn cael ein rhedeg

Mae Elusen Canolfan y Dechnoleg Amgen Cyf yn elusen addysgol gofrestredig sydd wedi ymrwymo i ymchwilio i atebion cadarnhaol i newid hinsawdd, ac i’w rhannu.

Mae gwaith CyDA yn digwydd diolch i dîm o weithwyr a gwirfoddolwyr profiadol ynghyd â chymuned ehangach o fyfyrwyr, graddedigion, ymwelwyr, aelodau a chefnogwyr – i gyd wedi ymroddi’n llwyr i fynd i’r afael â’r argyfwng hinsawdd a bioamrywiaeth.

Wrth wraidd y sefydliad mae ein Bwrdd Ymddiriedolwyr, sy’n dod ag ystod eang o brofiad i’n helpu i oruchwylio ein pwrpas cyffredinol.

Mae’r Bwrdd yn gweithio’n agos gydag Uwch Dîm Rheoli CyDA er mwyn arwain ein staff a’n gwirfoddolwyr ymroddedig wrth gyflawni ein cenhadaeth.

Mae Memorandwm ac Erthyglau Sefydlu CyDA yn rhoi mwy o fanylion am ein hamcanion elusennol a sut y rheolir y sefydliad.

Cwestiynau Cysylltiedig

Sut rydych chi’n dewis eich ymddiriedolwyr?

Penodir ymddiriedolwyr gan y Bwrdd drwy broses recriwtio agored.

Pan fydd swydd wag yn codi fe’i hysbysebir ar wefan CyDA.

Nod y Bwrdd yw cael ystod gref o sgiliau a gwybodaeth i gefnogi gwaith CyDA, felly’r nod wrth recriwtio yw sicrhau arbenigedd ychwanegol mewn meysydd allweddol.

Mae Bwrdd CyDA yn ceisio sicrhau bod yr elusen yn dilyn egwyddorion cydraddoldeb ac amrywiaeth ac yn annog cyfranogi hygyrch a chynhwysol.

Mae CyDA yn rhoi gwerth ar amrywiaeth, yn yr ystyr ehangaf, gan ei ystyried yn hanfodol er mwyn sicrhau Bwrdd gwybodus ac ymatebol, sy’n gallu ymdrin â’r newidiadau cyflym a chymhleth sy’n wynebu’r sector gwirfoddol.

Mae CyDA’n cydnabod bod ymddiriedolwyr o wahanol gefndiroedd, gyda phrofiad a safbwyntiau amrywiol, yn fwy tebygol o annog trafodaeth a gwneud gwell penderfyniadau.

Os dof yn aelod, alla i bleidleisio yn y Cyfarfod Cyffredinol Blynyddol?

Wrth ymuno â CyDA fel aelod, byddwch yn gwneud hynny fel aelod cefnogol. Mae hyn yn wahanol i fod yn aelod o’r Elusen fel y nodir yn y Memorandwm ac Erthyglau Sefydlu.

Nid oes gan aelodau cefnogol unrhyw gyfrifoldebau cyfreithiol ac nid ydynt yn pleidleisio yn ein CCB.

Fodd bynnag, gwahoddir aelodau cefnogol i ddod i Gynhadledd flynyddol CyDA i edrych ar ffyrdd o gydweithio er mwyn ymchwilio a hybu atebion i’r argyfwng hinsawdd a bioamrywiaeth.

Cefnogwyr CyDA yw enaid y sefydliad – yn syml iawn, ni allem barhau â’n gwaith hanfodol heb eu hymroddiad a’u haelioni.

Sut yr ariennir ni

Mae CyDA yn dibynnu ar haelioni cefnogwyr unigol ac ar grantiau a rhoddion gan ymddiriedolaethau a sefydliadau am tua hanner ein hincwm blynyddol craidd.

Caiff gweddill ein hincwm craidd ei sicrhau trwy gyfrwng amrediad o weithgareddau, gan gynnwys cyrsiau, ymweliadau grŵp, llogi’r lleoliad a llety, a phryniannau o’n Siop Eco.

Am ragor o wybodaeth am sut y cawn ein hariannu a sut rydym yn gwario’r incwm hwn, gallwch lawrlwytho ein cyfrifon statudol:

Cofrestru ar gyfer E-bost

Cadwch lygad ar y gweithgareddau, digwyddiadau ac adnoddau ar-lein diweddaraf drwy gofrestru i dderbyn ein negeseuon e-bost a’n dilyn ni ar y cyfryngau cymdeithasol. Ac os hoffech chi gymryd rhan a chefnogi ein gwaith, byddem wrth ein bodd yn eich croesawu fel aelodau CyDA.

COFRESTRU AR GYFER E-BOST

Cefnogwch Ni