Rhannwch ar cymdeithasol
Galwad i bob garddwr sy’n dwli ar fyd natur.
Cyfle i osod sylfeini eich gwybodaeth ynghylch garddio a bywyd gwyllt, gan archwilio’r hyn y gallwch ei wneud yn eich gardd eich hun i helpu i natur ffynnu yn ystod y diwrnod hwn allan yng ngerddi CYDA, a fydd yn llawn gwybodaeth.
Bydd y diwrnod rhagarweiniol hwn yn cynnig amrywiaeth eang o gyngor ynghylch garddio ar gyfer byd natur, a bydd yn llawn gweithgareddau ymarferol a gwybodaeth er mwyn helpu i fywyd gwyllt ffynnu yn eich gardd chi gartref.
Bydd cyfle i archwilio safle CYDA a dysgu am y ffordd y mae timau o arddwyr a gwirfoddolwyr wedi trawsnewid safle diffaith yn erddi organig hardd a welir yma heddiw.
Bydd cyfle i ddysgu am yr hyn i’w ystyried wrth gynllunio eich gardd er mwyn sicrhau ei bod yn helpu bywyd gwyllt i ffynnu.
Trafodir iechyd y pridd a byddwch yn dysgu sut i ofalu amdano.
Byddwch yn dysgu popeth am blannu ar gyfer bywyd gwyllt, sut i ystyried lloches ar gyfer gwahanol rywogaethau a gwerth ffynhonnell dŵr.
Gwybodaeth allweddol
- Hyd: Un diwrnod
- Amseroedd cychwyn a gorffen: bydd yn cychwyn am 9yb ac yn gorffen am 5yp
- Pris: £125
- Bydd yn cynnwys: hyfforddiant, dau egwyl gyda lluniaeth a chinio
- Bydd angen dillad ac esgidiau addas arnoch i dreulio diwrnod allan yng ngerddi CYDA.
- Ni fydd gofyn eich bod wedi cael profiad garddio.
- Amodau a Thelerau: cliciwch yma am restr lawn o’r amodau a thelerau
Manylion y Tiwtor:
Mae Veronica wedi bod yn Geidwad Gerddi CYDA ers 2021. Gyda’i dull cyfannol o arddio, mae angerdd Veronica dros greu gofodau awyr agored bioamrywiol, ffyniannus, hygyrch i bawb, yn heintus ac mae ei chyrsiau’n llawn cyfoeth o wybodaeth am arddio tymhorol, ymarferol.
Searching Availability...
