Llety
Mae llety CyDA wedi’i leoli yn adeilad Sefydliad Addysg Cynaliadwyedd Cymru (WISE) sef cyfleuster eco arobryn a ddyluniwyd yn gelfydd yng nghanol ein Canolfan Ymwelwyr.
Mae’r 24 ystafell wely pâr a dwbl en-suite yn cynnig golygfeydd godidog o Barc Cenedlaethol Eryr. Mae’r ystafelloedd ar y llawr cyntaf yn rhannu teras gardd sy’n golygu y gallwch gael y mwynhad mwyaf o fod yng nghanol cefn gwlad Cymru. Mae gan bob ystafell wely gawod a basin golchi solar-thermol, ac fe’u gwresogir gan y boeleri biomas ar safle CyDA.
Mae llety ychwanegol ar gael ar y safle mewn amryw o opsiynau – cysylltwch i gael gwybod mwy.
Gwely a Brecwast
Gallwch aros mewn ystafell sy’n cynnwys gwely dwbl neu ddau wely, ynghyd â’ch ystafell ymolchi eich hun, yn ein hadeilad WISE, gan fwynhau brecwast o’n bwyty llysieuol.
LLYSIEUWYR BALCH
Mae brecwast, cinio a phrydau nos ar gael yng Nghaffi CyDA, caffi poblogaidd a chyfforddus sy’n gweini bwyd cyflawn llysieuol. Defnyddir cynhwysion a gynhyrchir yn lleol lle bo’n bosib, ac mae ein garddwyr yn dod â chynnyrch a dyfir yn ffres yng ngherddi CyDA i’r gegin yn ddyddiol.
Cyfleusterau
Mae adeilad WISE yn lleoliad gwbl hygyrch gyda rampiau a lifftiau ar gyfer defnyddwyr cadeiriau olwyn yn ogystal ag ystafelloedd gwely pwrpasol.
Mae wifi ar gael am ddim trwy’r lleoliad a’r ystafelloedd gwely.
