Mae Ben yn cyfuno cefndir ym maes technoleg ac arloesi gyda diddordeb brwd mewn cynaliadwyedd amgylcheddol.

Fel datblygwr meddalwedd ac entrepreneur, sefydlodd Ben gwmni i greu meddalwedd gweinyddu ymchwil prifysgol i academyddion ac ysgolion graddedig.

Mae Andrew’n teimlo’n angerddol dros gefn gwlad, mae am wneud gwahaniaeth cadarnhaol o ran diogelu ein hamgylchedd ar gyfer y dyfodol ac mae ganddo gefndir eang yn y sectorau TG a Chyfleustodau.

Mae gan Roger brofiad helaeth yn rhedeg sefydliadau mawr ym maes rheolaeth amgylcheddol yn llwyddiannus dros Gymru gyfan. Yn fwyaf diweddar bu’n Brif Swyddog Gweithredol Cyngor Cefn Gwlad Cymru am 11 mlynedd.

Mae gan Kalyani ddiddordeb mawr mewn byw yn gynaliadwy ac ecoleg barchus, ac mae’n gerddwr bryniau brwdfrydig. Mae’n byw yng Ngogledd Cymru gyda’i gŵr a’u mab ifanc.

Mae Tony yn wyddonydd cymdeithasol sydd â chysylltiad deugain mlynedd â pholisïau, ymchwil a hyfforddiant datblygu cynaliadwy gyda sefydliadau yn y DU a Brasil a sefydliadau rhyngwladol.

Enillodd Sonya radd MSc mewn Ynni Adnewyddadwy yn CyDA yn 2018 ac mae hi bellach yn Bennaeth Ynni ym Mhartneriaeth Atebolrwydd Cyfyngedig Stephens Scown ac yn un o ymddiriedolwyr CyDA.

Mae Kevin yn Gyfrifydd Siartredig sydd wedi ymddiddori ers amser maith mewn cynaliadwyedd ac mae ganddo Radd Meistr mewn Cynaliadwyedd a Rheoli’r Amgylchedd.

Ymwelodd Rhiannon â CyDA y tro cyntaf pan oedd yn blentyn ifanc yn y 1980au. Mae’r atgofion o’r lleoliad anarferol hwn a’r gweithgareddau a gyflawnodd yma wedi aros gyda hi, ac roedd hi wrth ei bodd o gael y cyfle i ymuno â’r Bwrdd. Mae Rhiannon yn gweithio fel Rheolwr Arloesi gyda’r Ymddiriedolaeth Carbon, ar ôl treulio 20 mlynedd cyn hynny yn gweithio fel atwrnai patentau.

Mae Eve wedi gweithio yn y sector addysg ers dros 30 mlynedd, gan gyflawni rolau academaidd, bugeiliol a llywodraethu, ac mae wedi gwneud ymrwymiad personol dwfn i addysg amgylcheddol.

Mae Damien yn Athro Hawliau Dynol a Chyfiawnder Amgylcheddol, mae wedi gweithio gydag amrywiaeth eang o gyrff anllywodraethol a sefydliadau eraill, ac mae wedi gwneud ymrwymiad cadarn i gynaliadwyedd amgylcheddol.

Mae Sonia Nabila Klein yn arbenigwr ym maes cynaliadwyedd ac mae ganddi brofiad rhyngwladol helaeth, gan arbenigo mewn datrysiadau adeiladu carbon isel ac arloesi amgylcheddol.

Mae Steve yn arweinydd ym maes menter gymdeithasol ac yn arbenigwr ym maes datblygu’r cyfryngau ac mae wedi ymddiddori mewn ecoleg, hanes naturiol a’r amgylchedd trwy gydol ei oes. Ef yw cyfarwyddwr rheoli asiantaeth ddatblygu Community Made Solutions, lle y mae wedi arwain rhaglen gymorth ar gyfer mentrau cymdeithasol ac economaidd.

Mae Mark wedi ymrwymo i weithio tuag at gymdeithas genedlaethol a rhyngwladol sy’n fwy cyfiawn, a dyfodol lle y mae dynol ryw yn byw mewn ffordd gynaliadwy o fewn terfynau ein planed. Mae Mark yn Gyfrifydd Siartredig ac mae ganddo brofiad helaeth o faterion ariannol a llywodraethiant Byrddau.

Mae Andy, Ymddiriedolwr CyDA, yn Beiriannydd Siartredig sydd â bron i ddeg mlynedd ar hugain o brofiad yn y diwydiannau adeiladu prif ffrwd a charbon isel yn y DU.

Mae Eileen yn credu’n gryf yng ngallu a grym mudiadau cymdeithasol i greu newid. Cafodd ei hysbrydoli gyntaf i fod yn Wneuthurwr Newid yn CyDA yn 2001.

Cyn ymuno â CYDA yn 2018, treuliodd Paul 30 mlynedd yn gwneud gwaith helaeth gyda’r sector elusennau fel Cyfrifydd Siartredig. Gweithiodd Paul gyda channoedd o elusennau, gan gynnig cymorth a gwaith cynllunio strategol yn gyson. Roedd ei gleientiaid yn gweithredu mewn sawl maes gan gynnwys yr amgylchedd, addysg, y maes cymdeithasol, y celfyddydau, iechyd a’r sector crefyddol.

Fel pennaeth yr ysgol, mae Adrian yn treulio’r rhan fwyaf o’i amser yn sicrhau gweithrediad llyfn Ysgol y Graddedigion. Pan nad yw’n gwneud hynny, mae’n defnyddio’i gefndir mewn Cemeg i gefnogi gweithgareddau’n ymwneud â llygredd ar gyfer y cyrsiau meistri.

Mae gan John gariad mawr tuag at yr awyr agored a’r defnydd o dechnoleg i alluogi byw’n gynaliadwy. Cyn dod i CyDA, treuliodd John 27 mlynedd yn gweithio ym myd amgueddfeydd, lle treuliodd llawer o’i amser yn dod â safleoedd hanesyddol a thechnolegau’n fyw ar gyfer ymwelwyr.

Ymunodd Ed â CyDA yn dilyn 15 mlynedd yn datblygu profiadau ymwelwyr a chyfleoedd masnachol yn Llyn Brenig a Chwm Elan ar ran Dŵr Cymru. Ac yntau’n gyfrifol am reoli’r gwasanaethau arlwyo, mân-werthu a llety, mae Ed yn rhoi pwys mawr ar ddarparu gwasanaeth cwsmeriaid ardderchog sy’n rhagori ar ddisgwyliadau ein hymwelwyr.