Archwilio Pŵer PV (Ffotofoltaidd)

Ynghyd â dŵr a gwynt mae paneli ffotofoltaidd (PV) yn un o’r ffynonellau pwysicaf o ran cynhyrchu trydan mewn modd adnewyddadwy.

Bydd y gweithdy hwn yn gyfle i’r disgyblion archwilio nodweddion cynhyrchu panel ffotofoltaidd nodweddiadol mewn perthynas â lleoliad a llwyth.

Braslun o’r Gweithdy

Bydd y disgyblion yn cynhyrchu diagram weirio a gan weithio yn yr awyr agored, byddant yn cydosod panel PV wedi’i gysylltu i fesurydd folt, amp a solar. Wrth fesur yr ynni solar sy’n dod i mewn, bydd y disgyblion yn cymryd mesuriadau folt ac amp gyda’r panel wedi’i gysylltu i wrthydd newidiol ac yn cyfrifo effeithlonrwydd y panel.

Gwybodaeth allweddol:

• Parhau am 1½ awr
• Addas ar gyfer lefel A
• Canolbwyntio ar bynciau STEM
• Mae’r gweithdy yn cynnwys mynediad i safle CyDA ac mae esgidiau a dillad awyr agored addas yn hanfodol.
• Yn cwmpasu egwyddor cynhyrchu trydan PV a’r ffactorau sy’n effeithio ar effeithlonrwydd y paneli
• £120 y sesiwn (hyd at 20 disgybl)