Cyfle i dreulio diwrnod yng ngerddi organig llewyrchus CYDA yn archwilio iechyd pridd a chompostio yn ystod y cwrs undydd byr hwn.

Mae pridd iach yn hanfodol ar gyfer llawer mwy na chynnig amgylchedd i blanhigion dyfu gan ei fod yn helpu i buro dŵr, storio carbon, ac mae’n rhan hanfodol o ecosystemau iach.

Byddwch yn cychwyn y diwrnod gyda thaith o gwmpas gerddi CYDA, gan ddarganfod sut y gwnaethom greu’r gerddi ar safle a oedd yn ‘dir llwyd’ moel yn wreiddiol, sut y caiff iechyd y pridd ei borthi a’r gofal a roddir iddo, a sut yr ydym yn defnyddio systemau compostio amrywiol er mwyn gwella iechyd y gerddi yn gyson.

Mae’r cwrs hwn ar gyfer unrhyw un sydd â diddordeb mewn garddio, compostio ac iechyd pridd. Ni fydd gofyn i chi gael unrhyw wybodaeth neu brofiad blaenorol.

Gwybodaeth Allweddol

• Hyd:  un diwrnod
• Dyddiad nesaf:  12 Ebrill
• Amseroedd cychwyn a gorffen:  bydd yn cychwyn am 9:30yb ac yn gorffen am 4.30yp
• Ffi:  £125
• Bydd yn cynnwys:  hyfforddiant, cinio bwffe.
• Bydd angen:  bydd dillad dal dŵr ac esgidiau priodol i’w gwisgo yn yr awyr agored yn hanfodol
• Amodau a Thelerau:
  • rhaid eich bod chi’n 18 oed neu’n hŷn i fynychu ein cyrsiau.
  • Cliciwch yma am restr lawn o’r amodau a thelerau

Yr hyn y byddwch yn ei ddysgu

Byddwch yn cael profiad ymarferol yn ystod gweithgareddau a fydd yn archwilio’r broses o greu tomenni compost a gwrychoedd marw.

Byddwn yn ystyried yr heriau amrywiol y mae ein tîm garddio yn eu hwynebu, gan archwilio pa wersi y gallwn eu dysgu sy’n berthnasol i gompostio a garddio gartref.

Yn ystod y cwrs, byddwch yn:

• Dysgu am domwellt, gwrteithiau gwyrdd, gwrtaith dynol a mwy, gydag enghreifftiau o gwmpas safle CYDA.
• Archwilio iechyd pridd trwy lens microsgop.
• Archwilio pa system gompostio sydd fwyaf addas i’ch safleoedd chi a sut y mae pob system yn gweithredu ac yn cael ei chynnal.
• Darganfod pa ddeunyddiau sydd fwyaf addas, yr hyn i’w osgoi a sut i greu cynefin trwy ddatblygu compost a gwrychoedd marw.

Manylion y Tiwtor

Veronica Henry

Mae Veronica wedi bod yn Geidwad Gerddi CYDA er 2021.  Gan ddwyn dull holistig tuag at arddio, mae angerdd Veronica ynghylch creu mannau llewyrchus a bioamrywiol yn yr awyr agored yn heintus, ac mae ei chyrsiau yn llawn cyfoeth o wybodaeth garddio tymhorol ac ymarferol.