Cyfle i archwilio datrysiadau hinsawdd, llunio cynllun gweithredu ar eich cyfer chi a’ch cymuned gyda’n cwrs Ymwybyddiaeth Carbon ar-lein.

Datblygwyd y cwrs ar-lein hwn yn benodol ar gyfer y rhai sy’n gweithio mewn cymunedau, a bydd yn ystyried gwyddor newid hinsawdd, effeithiau lleol a byd-eang ac archwilio effeithiau’r rhain ar ein cymunedau ac ar ein gwaith.

Gan fanteisio ar ein gwaith ymchwil Prydain di-garbon, byddwn yn ystyried amcanion carbon isel yn y cymunedau ac yn llunio cynllun gweithredu er mwyn dylanwadu ar eraill.

Yr hyn y byddwch yn ei ddysgu

Mae prosiect Prydain Di-garbon CyDA yn cynnig y data caled a’r hyder gofynnol er mwyn delweddu dyfodol lle’r ydym wedi ymateb i alwadau newid hinsawdd. Mae’n helpu i leihau ofn a chamddealltwriaeth, gan gychwyn sgyrsiau newydd a chadarnhaol sy’n canolbwyntio ar ddatrysiadau.
Gan fanteisio ar astudiaethau achos ac enghreifftiau go iawn, byddwn yn ystyried camau ymarferol i gyrraedd sero net o bersbectif cymunedol.

Mae’r hyfforddiant ar-lein hwn yn addas i bawb sy’n gweithio mewn cymunedau – fel unigolion neu fel rhan o grwpiau, sefydliadau, rhwydweithiau ac ati. Ar draws y diwrnod, cynhelir sesiynau myfyrio a thrafod wedi’u hamserlennu, sesiynau holi ac ateb, cyfleoedd rhwydweithio ac egwyliau all-lein i gadw’r ffurf ar-lein yn ffres ac yn ddiddorol.

Gwybodaeth allweddol

• Hyd:  2 awr
• Cynhelir y cwrs hwn ddwywaith:  19 a 26 Tachwedd 2024, 18:00 – 20:00 bob dydd
• Lleoliad:  ar-lein
• Ffioedd:  AM DDIM i bobl sy’n byw neu sy’n gweithio ym Mhowys
• Mae’n cynnwys:  hyfforddiant, sesiynau holi ac ateb, deunyddiau cwrs ar-lein, achrediad y Prosiect Llythrennedd Carbon
• Gellir cynnig yr hyfforddiant am ddim hwn hefyd i’ch grŵp fel cwrs pwrpasol ar ddyddiad sy’n gyfleus i bawb.  Cysylltwch i drefnu
• Amodau a thelerau
  • Rhaid eich bod yn 18 oed neu’n hŷn i fynychu’r cwrs hwn
  • Cliciwch yma am restr lawn o’r amodau a thelerau