Diwrnod allan hamddenol ac ymwybyddol ofalgar yng nghoed CyDA.

Byddwn yn archwilio ecoleg coetir, yn cael profiad ymarferol o waith pren gwyrdd, yn dysgu am dwrio am ddeunyddiau ar gyfer prosiectau, a phopeth arall perthnasol yn ystod y diwrnod allan hamddenol hwn yng nghoed CyDA.

Ymdrochi yng nghynefin coetir CyDA yw’r amgylchedd perffaith er mwyn archwilio’r trawsnewidiad lle y bydd deunyddiau sy’n rhan o eco-system fyw yn cael eu cynaeafu a’u defnyddio fel adnodd.

Trwy gydol y dydd, byddwch yn cael dirnadaeth o’r ffordd y mae CyDA yn rheoli ein cynefinoedd coetir ar gyfer bioamrywiaeth, byddwch yn archwilio sut i ddewis deunyddiau o bersbectif ecolegol ac ymarferol, a byddwch yn cael profiad ymarferol o dechnegau gwaith pren gwyrdd wrth i chi greu mainc gyda’ch gilydd.

Byddwch yn dysgu sut i ddefnyddio offer llaw traddodiadol gan gynnwys mainc llyfnu a thurn polyn i greu coesau, gwerthydau a sedd y fainc.

Prif ffocws y diwrnod yw cael profiad o’r broses, o archwilio a dysgu i gynaeafu a chreu.  Gan ddibynnu ar yr amser, efallai na fydd y grŵp yn llwyddo i orffen mainc yn ystod y sesiwn grefftio.

Gwybodaeth Allweddol

• Hyd: un diwrnod: Dydd Sadwrn 15fed o Fawrth 2025
• Amseroedd cychwyn a gorffen:  bydd yn cychwyn am 10yb ac yn gorffen am 5:00yp
• Ffi:  £125
• Bydd yn cynnwys:  hyfforddiant, yr holl ddeunyddiau, cinio
• Bydd angen esgidiau a dillad priodol arnoch er mwyn treulio diwrnod allan yng ngerddi CyDA.
• Amodau a Thelerau:
  • rhaid eich bod chi’n 18 oed neu’n hŷn i fynychu ein cyrsiau.
  • Cliciwch yma am restr lawn o’r amodau a thelerau