Mudiadau a Grwpiau Cymunedol

Sut all cymunedau gymryd y camau nesaf ar eu taith i drawsnewid cyfiawn, gan ymgysylltu mewn ffordd effeithiol â gweithgarwch trawsnewid ehangach a gweithredu gwersi ein hymchwil Prydain Di-garbon ar y lefel leol?

Trwy gyfrwng gwybodaeth ac arbenigedd CyDA ynghylch hyfforddiant, mae grwpiau cymunedol, busnesau, awdurdodau lleol a grwpiau ffydd yn meithrin ymwybyddiaeth a dealltwriaeth ddyfnach ac yn creu datrysiadau priodol i ddelio â’r argyfyngau hinsawdd ac ecolegol yn ystod eu hymweliadau grŵp â CyDA.

Mae ein tiwtoriaid gwybodus a phrofiadol yn cynnig amrediad o deithiau, anerchiadau a gweithdai, sy’n ceisio helpu eich grwpiau trwy gyfrwng proses ysbrydoledig o ddysgu ac archwilio.

Hyfforddiant Prydain Di-garbon, Gweithdai, Hwyluso a Hyfforddiant Llythrennedd Carbon

Mae’r tîm Prydain Di-Garbon yn CyDA yn cynnig ystod eang o wasanaethau hyfforddiant ar gyfer grwpiau sy’n dymuno cymryd camau effeithiol yng nghyd-destun yr argyfyngau hinsawdd ac ecolegol. Gan fanteisio ar 50 mlynedd yDA o arloesi, gwaith ymchwil ac addysg, ein hadroddiad pwysig ‘Rising to the Climate Emergency’ (2019) a’n gwaith helaeth gyda sefydliadau ar draws y wlad, gallwn weithio gyda chi er mwyn helpu eich mudiad neu’ch grŵp cymunedol i gymryd y camau nesaf.

Mae CyDA hefyd yn ddarparwr blaenllaw hyfforddiant Llythrennedd Carbon, ac mae gennym amrywiaeth o gyrsiau unigryw wedi’u hachredu gan y Prosiect Llythrennedd Carbon. Gall y rhaglenni hyfforddiant hyn fod yn rhan hanfodol o godi ymwybyddiaeth gyda’ch mudiad ac ymhlith y gymuned ehangach, ac wrth greu diwylliant carbon isel sy’n ymgysylltu’n llawn gyda ac sy’n barod ar gyfer trawsnewid effeithiol.

Mae’r hyn a gynigir yn cynnwys gweithdai strategaeth pwrpasol, hwyluso, diwrnodau meithrin tîm a mwy.