Hyfforddiant Prydain Ddi-Garbon a Llythrennedd Carbon

Grymuso gweithredu ar gyfer yr hinsawdd trwy gyfrwng hyfforddiant cynaliadwyedd pwrpasol ac y mae modd archebu lle arno ar gyfer sefydliadau, busnesau, dinasyddion, cymunedau a chyrff cyhoeddus.

Mae CyDA yn gweithio gydag ystod eang o grwpiau a sefydliadau er mwyn darparu hyfforddiant hinsawdd a chynaliadwyedd pwrpasol sy’n meithrin arweinyddiaeth, sy’n dyfnhau dealltwriaeth ac sy’n ysgogi newid ystyrlon.  Cynlluniwyd ein rhaglenni i ddiwallu anghenion penodol eich sefydliad, eich sector neu eich rhanbarth, a’ch helpu i feithrin y sgiliau a’r hyder i weithredu ar gyfer yr argyfwng hinsawdd a bioamrywiaeth.

Mae tîm Prydain Ddi-Garbon CyDA yn dwyn degawdau o brofiad ym maes addysg cynaliadwyedd, addasu a newid hinsawdd, datgarboneiddio a hwyluso, gan helpu timau a grwpiau ar draws y DU ac yn rhyngwladol i ymwreiddio gweithredu ar gyfer yr hinsawdd yn eu gwaith.
 

Gallwn eich cynorthwyo gyda: 

• Hyfforddiant ar gyfer y sefydliad cyfan – o’r arweinwyr i’r timau rheng flaen
• Datblygu eich cyrsiau eich hun – wedi’u teilwra i’ch sector a’ch nodau
• Hyfforddi eich hyfforddwyr – meithrin capasiti mewnol ar gyfer addysg hinsawdd
• Cyflwyno rhaglenni hyfforddiant – ar draws adrannau neu gymunedau
• Sesiynau DPP wedi’u hachredu – ar gyfer datblygiad proffesiynol
• Darpariaeth hybrid ac ar-lein – ffurfiau hyblyg a fydd yn addas i’ch anghenion
• Cymorth hwyluso a strategaeth – ar gyfer gwneud penderfyniadau ac ymgysylltu â rhanddeiliaid
• Newid diwylliant ac ymddygiad – ymwreiddio cynaliadwyedd mewn arfer bob dydd
• Dulliau bioranbarthol ac sy’n seiliedig ar le – cynorthwyo ymatebion dinesig i newid hinsawdd